miércoles, 10 de enero de 2018

30 DE XANEIRO: DÍA ESCOLAR DA PAZ E NON VIOLENCIA

Celebramos o Día Escolar da Paz e Non Violencia o 30 de xaneiro de cada ano en recordo da morte  de Mahatma Gandhi, un dos grandes defensores da Paz no mundo, que morreu asasinado o 30 de xaneiro de 1948.

Quen era Ghandi?

Mohandas Karamchand Gandhi naceu o 2 de Outubro de 1869 en Porbandar, India. Foi un dos máis respectados líderes espirituais e políticos do século XX. Gandhi axudou á India a independizarse do goberno colonial inglés a través da resistencia pacífica, e é considerado pola súa xente como o “Pai da Nación India”. Os indios chamaron a Gandhi Mahatma, que quere dicir “Alma Grande”.
Consideraba que as inxustizas sociais debían ser combatidas fortemente, pero non dun xeito violento, senón provocando un cambio de mentalidade nos seus opoñentes.

Nos enlaces dos colexios seguintes tedes unha serie de recursos moi interesantes para traballar.

En trasniñ@s de Marcón atoparedes tamén enlaces sobre "Mulleres que traballan pola Paz".

viernes, 15 de diciembre de 2017

LER PARA VIVIR




Chega o tempo de lecer, de compartir, de ilusións... A comunidade educativa deséxalles:

Bo Nadal e un Próspero Ano Novo repleto de lecturas!


Hai un vento cheo de frío
apousado nos camiños.
E no ar un asubío
todo cheo de aloumiños.
pero un vento milagreiro
nascerá pol-o Nadal.
Brilará coma un luceiro
pra alomear o portal.

Xa nas ponlas dun carballo
nasceu un vento ventiño;
ten doces versos de orballo
e azas de paxariño.
Ten azas de paxariño
e craridades de día,
que llas deu Jesús Neniño
e Santa Virxe María.



Manuel María
Lugo, Nadal, 1951

jueves, 30 de noviembre de 2017

DÍA CONTRA A VIOLENCIA DE XÉNERO

Nas aulas falouse sobre este tema, que é unha importante "lacra social", para tratar de concienciar ao alumnado.
Estes foron algúns dos seus traballos.



DÍA DAS BIBLIOTECAS ESCOLARES

O día 23 de outubro celebrouse  o día das bibliotecas escolares. No cole fixéronse diversas actividades ao longo da semana.
Alumnado de 5º de Primaria e alumnado de Infantil fixeron marcapáxinas.

As mamás tamén viñeron a ler aos mais pequenos.


miércoles, 22 de noviembre de 2017

25 DE NOVEMBRO: DÍA INTERNACIONAL CONTRA A VIOLENCIA DE XÉNERO

O día 25 de novembro celébrase o Día Internacional da Eliminación da Violencia contra a Muller. A Asemblea Xeral das Nacións Unidas na súa resolución 50/134 do 17 de decembro de 1999 tomou o acordo de celebralo este día. A proposta foi realizada pola República Dominicana e contou co apoio de 60 países.
A razón do por qué levou a República Dominicana esta proposta foi que nun día como ese, o 25 de novembro de 1960, asasinaron as irmás Mirabal, tres activista políticas dominicanas, por orde do ditador dominicano Rafael Leónidas Trujillo.


12 vídeos para traballar a violencia de xénero na aula.

Educar en igualdad - Material educativo.

6 recursos para celebrar o Día Conta a Violencia de Xénero.

Recursos en igualdade e prevención da violencia de xénero.






miércoles, 20 de septiembre de 2017

CURSO 2017 - 2018

Benvid@s de novo!

Iremos enchendo este blog con noticias, recursos  e materiais que espero vos sirvan de axuda.
O obxectivo do programa "Navega con rumbo" é concienciar ao alumnado, profesorado e familias no uso responsable de Internet e as redes sociais, dando recomendacións para unha navegación segura e responsable.

miércoles, 28 de junio de 2017

Videoclip de 5º de EP

Os alumnos e alumnas de 5º de EP fixeron este estupendo videoclip da canción "Don´t stop me now" de Queen.